საზოგადოებრივი მაუწყებლის „პირველი არხის" ახალი ამბების სამსახურის ყოფილი ხელმძღვანელი, გიორგი ფუტკარაძე ტელეკომპანია „მაესტროს" გენერალური პროდიუსერი იქნება.
საზოგადოებრივ მაუწყებელზე შესაბამისი პოზიციის დატოვების შესახებ ფუტკარაძემ 18 ივლისს განაცხადა.
„დღეს, ბევრი ფიქრის შემდეგ ჩემთვის რთული გადაწყვეტილება მივიღე. ვტოვებ „პირველი არხის" ახალი ამბების სამსახურის ხელმძღვანელის პოსტს", - წერს გიორგი ფუტკარაძე Facebook-ის პირად გვერდზე, - „ამ არხთან და ჩემს კოლეგებთან, ძველებთან თუ ახლებთან, ბევრი საინტერესო, რთული და გამოწვევებით სავსე სამუშაო დღეები და ღამეები მაკავშირებს, მადლობა მათ შრომისთვის, ერთგულებისთვის. დღეს ამ გუნდს დავემშვიდობე, წარმატებები მათ. ახლა ჩემს ცხოვრებაში ახალი გამოწვევების დროა" - წერდა ფუტკარაძე.
