პატრიარქი ე.წ. ქართული მარშის ორგანიზატორებს ყაზბეგში შეხვდა. ფოტოსურათს „ქართული მარშის" ერთ-ერთი ლიდერი ლადო სადღობელაშვილი ავრცელებს.
ფოტოზე პატრიარქთან ერთად გამოსახულები არიან სანდრო ბრეგაძე, გია კორკოტაშვილი, ლადო სადღობელაშვილი და კონსტანტინე მორგოშია.
სწორედ მორგოშიას სტატუსზე კეთდებოდა გია კორკოტაშვილისა და მისი თანამოაზრეების მიერ თათია დოლიძისადმი შეურაცხმყოფელი და გაუპატიურების სავარაუდო მუქარის შემცველი კომენტარები. ამ ფაქტზე საქართველოს შინაგან საქმეთა სამინისტრო გამოძიებას აწარმოებს.
პატრიარქმა დღეს ყაზბეგში სასტუმრო „სნო" გახსნა.