საქართველოს პროკურატურაში ლეონიდ ჩერნოვეცკის უკრაინული მხარისთვის გადაცემის მოთხოვნა არ შემოსულა. ამის შესახებ „ლიბერალს“ პროკურატურაში განუცხადეს.
როგორც უწყებაში განმარტავენ, მსგავსი მოთხოვნის არსებობის შემთხვევაშიც, ლეონიდ ჩერნოვეცკის გადაცემა ვერ მოხდება, რადგანაც საქართველოს მოქალაქეა.
„საქართველოს პროკურატურაში ლეონიდ ჩერნოვეცკის უკრაინული მხარისთვის გადაცემის მოთხოვნა არ შემოსულა, თუმცა ასეთი მოთხოვნის არსებობის შემთხვევაში ვერ მოხდება მისი გადაცემა, რადგან იგი არის საქართველოს მოქალაქე და საქართველოოს კონსტიტუციის მიხედვით. საქართველოს მოქალაქის სხვა ქვეყნისთვის გადაცემა დაუშვებელია“, - აცხადებს პროკურატურა.
