საქართველოს პარლამენტმა პრეზიდენტის ვეტო დაძლია. გიორგი მარგველაშვილის ვეტო 94 ხმით, 5-ის წინააღმდეგ დაძლიეს. 

პარლამენტის მიერ მიღებული კანონპროექტის თანახმად, შვიდ თვითმმართველ ქალაქს: - თელავს, ოზურგეთს, ზუგდიდს, გორს, ამბროლაურს, მცხეთასა და ახალციხეს თვითმმართველი ქალაქის სტატუსი ჩამოერთმევა და ისინი შესაბამის მუნიციპალიტეტებს მიუერთდება. შედეგად, ქვეყანაში, ნაცვლად 12 თვითმმართველი ქალაქისა, 5 თვითმმართველი ქალაქი დარჩება.

პრეზიდენტის მოტივირებული შენიშვნების მიხედვით, კანონპროექტები ეწინააღმდეგება საქართველოს კონსტიტუციის როგორც ძირითად, ისე ადგილობრივი თვითმმართველობის ფუნდამენტურ პრინციპებს და საქართველოს მოქალაქეთა ინტერესებს, ადგილობრივი თვითმმართველობა დამოუკიდებლად და საკუთარი პასუხისმგებლობით განახორციელონ. 

„ჩვენთვის მნიშვნელოვანია, რომ ამ ვეტოს საშუალებით, საქართველოს პარლამენტის წევრებმა, საქართველოს მიქალაქეებმა, იმ ხალხმა რომელიც ამ ქალაქებში ცხოვრობს, გაიაზროს ის საკმაოდ ნეგატიური მნიშვენლობა რომელიც ამ ცვლილებებს მოაქვს. ეს ნეგატიური შედეგები, რომელიც დემოკრატიის ხარისხის გაუარესების თვალსაზრისით ამას მოყვება, ბუნებრივია დადგება როგორც შიდაპოლიტოკური ასევე საერთაშორისო პერსპექტივიდან გამომდინარე. ვეტოს არსი არის ის რომ ეს ყველაფერი დასაბუთებით, არგუმენტირებულად ავუხსნათ ჩვენს პარლამენტის წევრებს და მივცეთ საშუალება კიდევ ერთხელ დაფიქრდნენ ამ ცლილებებზე",  -აცხადებდა პრეზიდენტის საპარლამენტო მდივანი ანა დოლიძე.

პარლამენტმა ასევე დაძლია ვეტო, რომლითაც საარჩევნო ადმინისტრაციის ფორმირებისა და ცესკოს თავმჯდომარის არჩევის წესი იცვლება.