შეკითხვაზე, ყველაზე მეტად რომელ არხს ენდობით პოლიტიკისა და მიმდინარე მოვლენების შესახებ, მოსახლეობის 34% „რუსთავი2-ს“ ასახელებს, 32% - „იმედი“, 16% -არც ერთს, 3% -„პირველი არხი“,- NDI კვლევის შედეგებს აქვეყნებს.
როგორც კვლევის შედეგებმა აჩვენა, მოსახლეობა პოლიტიკისა და მიმდინარე მოვლენების შესახებ ინფორმაციის მიღების ძირითად წყაროდ ტელევიზიას ასახელებს -73%, 19% - ინტერნეტს.
აღნიშნული გამოკითხვა 2017 წლის 18 ივნისი-9 ივლისის პერიოდში, საქართველოს მასშტაბით 2,261 პირისპირ ინტერვიუს წარმომადგენლობითი შერჩევის საფუძველზე, ქვეყნის ქართულ, სომხურ და აზერბაიჯანულენოვან მოსახლეობას შორის ჩატარდა (ოკუპირებული ტერიტორიების გამოკლებით). კვლევაში საშუალო ცდომილების ზღვარი არის +/- 2,2 პროცენტი.