შინაგან საქმეთა მინისტრის გიორგი მღებრიშვილის თქმით, ბორჯომის ხეობაში ხანძართან დაკავშირებით დღეს უკეთესი მდგომარეობაა, ვიდრე ეს წინა დღეებში იყო, რადგან არ არის ქარი და კლიმატური პირობები ხელს უწყობს სამუშაოს პროცეს, რათა დროზე მოხდეს ხანძრის ლოკალიზება.
„ტექნიკა მუშაობს სრული დატვირთვით, 5 ვერტრმფრენი მუშაობს, ბელორუსის ვერტმფრენი საწვავს დაიმატებს და მალე შემოგვიერთდება. ასევე შემოგვიერთდება ჩვენი აზერბაიჯანელი და სომეხი კოლეგები თავიანთი ტექნიკით... აზერბაიჯანის მხრიდან არის 11 ერთეული ტექნიკა ჩამოყვანილი, 13 ერთეული კი სომხეთიდან. აქედან 4-4 მაღალი გამავლობის მანქანებია, რომლებსაც ტყეში მუშაობის პრობლემა არ აქვთ. იმედიანად ვართ და კლიმატური პირობები ხელს გვიწყობს ეფექტურად მუშაობისთვის.
რაც შეეხება ხანძრის გამომწვევ მიზეზებს, მინისტრი დეტალებზე ჯერჯერობით ვერ საუბრობს. არსებობს თუ არა დივერსიის შესაძლებლობა - მღებრიშვილი მომხარში არაფერს გამორიცხავს.
„მე, როგორც პოლიციელი არაფერს გამოვრიცხავ. ყველა ვერსიაზე ვმუშაობთ“, - განმარტა გიორგი მღებრიშვილმა.