„თუ ჩემი სუბიექტური აზრი გაინტერესებთ, მეც ვფიქრობ, რომ შეიძლება, ხელოვნურად იყოს გაჩენილი, შეიძლება, სხვა ფაქტორები იყოს“, - ამის შესახებ შს მინისტრმა გიორგი მღებრიშვილმა ჟურნალისტებთან განაცხადა. 

მისი თქმით, გამოძიება მუშაობს ყველა ვერსიაზე და ყველაფერს ამომწურავი პასუხი გაეცემა. 

„გამოძიება ყოველთვის მუშაობს ყველა ვერსიაზე. თუ ჩემი სუბიექტური აზრი გაინტერესებთ, მეც ვფიქრობ, რომ შეიძლება ხელოვნურად იყოს გაჩენილი, შეიძლება სხვა ფაქტორები იყოს... მე ამას ახლა ვერ გეტყვით. გამოძიება მიმდინარეობს, ყველა ვერსიაზე ვმუშაობთ, ყველა ვერსიას ამომწურავ პასუხს გავცემთ“,- განაცხადა მღებრიშვილმა. 

აბასთუმანში ხანძარი გუშინ გავრცელდა. ადგილზე  მობილიზებულია შსს-სა და სხვა უწყებების შესაბამისი სამსახურების 1000-მდე ადამიანი. 

საგანგებო შტაბის მიერ გავრცლებეული ინფორმაციით, მთელი ღამე შეუჩერებელი მუშაობის შედეგად, ხანძრის გავრცელების მასშტაბები არ გაზრდილა. გაჭრილია, დაახლოებით, 5 კილომეტრამდე გზა, რათა სპეცტექნიკამ ხანძრის კერებამდე მისვლა მოახერხოს. გუშინვე მოეწყო ხელოვნური წყალსაცავები ავიაციის მიერ წყლის ასაღებად.

აბასთუმანში ხანძრის სალიკვიდაციო სამუშაოებში  უკრაინის, აზერბაიჯანის, თურქეთის და ირანის ავიაცია ჩაერთვება