Search
"ლიბერალი" მისამართი: თბილისი, რუსთაველის 50 ტელეფონი: +995 32 2470246 ელ. ფოსტა: [email protected] Facebook: https://www.facebook.com/liberalimagazine
გაგზავნა
გაგზავნა

შსს: ხულოსა და სოფელ ართანასთან ხანძრის ლოკალიზებისთვის სამუშაოები კვლავ მიმდინარეობს

05 სექტემბერი, 2017 17:30

თელავში საგანგებო შტაბში თათბირი გაიმართა. შსს-ს ინფორმაციით, ამ დროისთვის, ყვარლის მუნიციპალიტეტში, შილდის ტყეში ხანძარი,ფაქტობრივად, ლიკვიდირებულია. ნახანძრალ ტერიტორიაზე, პრევენციის მიზნით, რჩება მეხანძრე-მაშველთა რამდენიმე ჯგუფი.

სამინისტროს მიერ გავრცელებულ ინფორმაციაში ნათქვამია, რომ თუშეთში ხანძრის კერები ლოკალიზებულია, ხოლო  თელავის მუნიციპალიტეტის სოფელ ართანასთან მიმდინარეობს ხანძრის სალიკვიდაციო სამუშაოები სამუშაოები, ხოლო აჭარაში ხანძრის ლოკალიზების სამუშაოებში ვერტმფრენიც მონაწილეობს. 

„თუშეთში, სოფელ ხახაბოსთან არსებულ ტყეში უკვე დაფიქსირდა ხანძრის კერების ლოკალიზება და ამ ტერიტორიაზე ვერტმფრენის გამოყენების აუცილებლობა აღარ არსებობს. ადგილზე რჩება ცოცხალი ძალა, რომელიც ალტერნატიული ცეცხლმაქრი საშუალებებისა და წყლის ჭავლის გამოყენებით განაგრძობენ ხანძრის ქრობის სამუშაოებს. მეხანძრე-მაშველთა წყლით უზრუნველყოფა მთის ფერდობზე დამონტაჟებული ხელოვნური ავზების საშუალებით ხდება.

თელავის მუნიციპალიტეტის სოფელ ართანასთან, ტყის მასივში ხანძრის სალიკვიდაციო სამუშაოები აქტიურ რეჟიმში გრძელდება. ცეცხლის ქრობის პროცესში მონაწილეობს ცოცხალი ძალა და 3 ერთეული საჰაერო ტექნიკა.

ხულოს მუნიციპალიტეტში, შავნაბადას მთაზე არსებულ ტყის მასივში ხანძრის ლოკალიზების სამუშაოებში შსს-ს 400-მდე თანამშრომელია ჩართული. ცეცხლის უმოკლეს დროში ეფექტიანად ქრობის მიზნით, შინაგან საქმეთა მინისტრის, გიორგი მღებრიშვილის გადაწყვეტილებით, დილიდან ხანძრის კერასთან მუშაობს შსს-ს ვერტმფრენი“, - ნათქვამია შსს-ს მიერ გავრცელებულ განცხადებაში. 

კომენტარები

ამავე რუბრიკაში

24 ივნისი
24 ივნისი

თურქეთში ვადამდელი საპრეზიდენტო და საპარ ...

თურქეთში ვადამდელი საპრეზიდენტო და საპარლამენტო არჩევნები მიმდინარეობს. საარჩევნო უბნები მთელი ქვეყნის მასშტაბით  0 ...
23 ივნისი
23 ივნისი

უელბეკი: ხუმრობად ჟღერს, მაგრამ მოზარდობ ...

ფრანკფურტის წიგნის ბაზრობის სამი საპატიო სტუმარი ქვეყნის ერთობლივი პროექტის ფარგლებში თბილისს მიშელ უელბეკი ესტუმრა.&nbs ...
23 ივნისი
23 ივნისი

ფოტო ► Tbilisi Open Air 2018 - ფესტივალი ...

ფესტივალი -  Tbilisi Open Air 2018 22 ივნისს გაიხსნა. Lisi Wonderland-თან შეკრებილ მსმენელს საშუალება ჰქონდა მ ...
^