„საქართველოს ბანკში“ თავდამსხმელმა სიცოცხლე თვითმკვლელობით დაასრულა. როგორც „ლიბერალს“ შსს-ში განუცხადეს, თბილისში, „საქართველოს ბანკის“ წერეთლის ფილიალში შეიჭრა შეიარაღებული პირი. განგაშის ღილაკის ამოქმედებიდან წუთ-ნახევარში შემთხვევის ადგილას უკვე იმყოფებოდა პოლიცია.
„შსს-ს თანამშრომლებმა თავდამსხმელს მოუწოდეს, დამორჩილებოდა პოლიციის კანონიერ მოთხოვნას და დანებებულიყო, რის შემდეგაც ცეცხლსასროლი იარაღიდან თავის მიმართულებით გაისროლა. თავდამსხმელი შემთხვევის ადგილზე გარდაიცვალა.
საქმეზე მიმდინარეობს გამოძიება. წინასწარი ინფორმაციით, აღნიშნული პირი დღეს თბილისში, ასევე წერეთლის გამზირზე, „თი-ბი-სი“ ბანკის დაყაჩაღებასაც შეეცადა“, - აცხადებენ შსს-ში.
