აღმოსავლეთ-დასავლეთის მართვის ინსტიტუტის (EWMI) ACCESS-ის პროექტის ორგანიზებულ დისკუსიაში „ერთიანი ნაციონალური მოძრაობის" მერობის კანდიდატი, ზაალ უდუმაშვილი მონაწილეობს.
განხილული იქნება შემდეგი საკითხები: საზოგადოებრივი ტრანსპორტი და მობილობა, პარკირება, პარკები და მწვანე საფარი, ინფრასტრუქტურული პროექტები, მშენებლობები, ისტორიული შენობა–ნაგებობები. დისკუსიას ესწრებიან დარგის ექსპერტები, ურბანულ და გარემოსდაცვით საკითხებზე მომუშავე არასამთავრობო და საერთაშორისო ორგანიზაციების წარმომადგენლები.
დისკუსიის მიზანია თბილისის ურბანული და გარემოსდაცვითი პრობლემების (მწვანე საფარი, ჰაერის დაბინძურება, ტრანსპორტი, პარკირება, ქალაქის იერსახე და სხვ.) გადაწყვეტის გზებზე მერობის კანდიდატის ხედვების მოსმენა. შეხვედრა დაიწყება კანდიდატის მოკლე პრეზენტაციით და გაგრძელდება კითხვა-პასუხის რეჟიმში.
„ლიბერალი“ აღმოსავლეთ-დასავლეთის მართვის ინსტიტუტთან შეთანხმებით LIVE-ს გთავაზობთ:
