პარლამენტში პლენარულ სხდომაზე „პატრიოტთა ალიანსის“ წევრმა, ემზარ კვიციანმა განაცხადა, რომ კონტრდაზვერვამ უნდა გამოიძიოს ისეთი საკითხი, როგორიცაა ვანო ჯავახიშვილის ხუმრობა. მისი თქმით, ესაა მიზანმიმართული ქმედება სახელმწიფოს წინააღმდეგ.
„იმ თავგასიებულმა ღლიცინი რომ დაიწყო იმაზე, თითქოს მე გაერო სახელმწიფო მგონია, რომელთანაც ვთანამშრომლობდი დაახლოებით 15 წელიწადი და ვანო ჯავახიშვილი მასწავლის, რა არის გაერო?! რამდენი ქვეყანა არის გაეროში წარმოდგენილი, გაეროს გააჩნია თავისი უსაფრთხოების სამსახური, ამაზე იყო საუბარი.
აი, ეს ვაჟბატონები გამოდიან და აკეთებენ ყველაფერს იმისთვის, რომ პოლიტიკოსებმა ხმა ვერ ამოიღონ საქართველოში, იმის შიშით, რომ არ დასცინონ მერე. არ არის ეს კონტრდაზვერვის გამოსაძიებელი?! ისინი მიზანმიმართულად მუშაობენ სახელმწიფოს წინააღმდეგ“, - განაცხადა ემზარ კვიციანმა.