ლადო აფხაზავას მასწავლებლის ეროვნული ჯილდო გადაეცა.

ჯილდოს გამარჯვებული შემდეგი კრიტერიუმების მიხედვით გამოვლინდა: მოსწავლეების სწავლის შედეგების დინამიკა; სწავლების ინოვაციური და ეფექტური მიდგომების გამოყენება; ზოგადსაკაცობრიო მოქალაქეობრივი ღირებულებებისა და პრინციპების სწავლება; საზოგადოებერივი აღიარება და სამოქალაქო აქტივობა; პროფესიული განვითარება და გამოცდილების გაზიარება.

კონკურსანტთა შერჩევის სამეტაპიანი პროცესი 17 წევრისგან დაკომპლექტებულმა ჟიურიმ წარმართა. 

18 სექტემბერს, ჯილდოს 5 ფინალისტი გამოვლინდა,- ეკა წულუკიძე (სვანეთი), ნათია ფურცელაძე (თბილისი), ნინო აბულაძე (თბილისი), თეა ნონიკაშვილი (შიდა ქართლი), ვლადიმერ აფხაზავა (გურია).

 „მასწავლებლის ეროვნული ჯილდო“ არის გლობალური კამპანიის The Global Teacher Prize ნაწილი და მიზნად ისახავს წარმატებული მასწავლებლების გამოვლენას, საზოგადოებისთვის მათ წარდგენას და პროფესიის პოპულარიზაციას.

„მასწავლებლის ეროვნული ჯილდო“ კოალიცია „განათლება ყველასათვის - საქართველოს“, მასწავლებელთა პროფესიული განვითარების ეროვნული ცენტრისა და განათლების სამინისტროს შორის გაფორმებული მემორანდუმის საფუძველზე, 13 მაისს დაწესდა.