მიუხედავად იმისა, რომ შორენა თეთრუაშვილის მკვლელობის მომზადება მქონდა წაყენებული, მთხოვდნენ, რომ მეღიარებინა პატრიარქის მკვლელობის მომზადება, - ამის შესახებ მამა გიორგი მამალაძემ სასჯელაღსრულბის დაწესებულებიდან „ნანუკას შოუში“ სატელეფონო ჩართვისას განაცხადა.
მისი თქმით, დაკავების მომენტიდან, საგამოძიებო მოქმედებების მსვლელობის დროსაც, სისტემატურად, ადვოკატების თანდასწრებით, სთხოვდნენ, რომ ეღიარებინა მკვლელობის მომზადება, რომელშიც თითქოსდა მონაწილეობას იღებდა მეუფე დიმიტრი და პატრიარქის დაცვის ყოფილი უფროსი იოსებ ოხანაშვილი.
მამალაძემ აღნიშნა, რომ მას ამ აღიარებას გენპროკურორის მოადგილე მამუკა ვასაძე და ის პროკურორები და გამომძიებლები სთხოვდნენ, რომლებიც მასთან შედიოდნენ.
„ჩემი ე.წ. ფარული ჩანაწერებით ცდილობდნენ ჩემს კომპრომიტირებას. მათ იფიქრეს, რომ მე შემაშინებდნენ, გამტეხდნენ. სურვილი ჰქონდათ, რომ ჩემი მეშვეობით სხვა ადამიანების - მეუფე დიმიტრის, იოსებ ოხანაშვილისა და სხვა ადამიანების ამ მოგინილ საქმეში თითქოსდა თანამონაწილეობა. რაც ვერ მიიღეს. ასე ვთქვათ, მათ შური იძიეს იმაზე, რომ რაც დაგეგმილი ჰქონდათ, ვერ მიაღწიეს ჩემი მეშვეობით და მე შემაწმინდეს ხელი“, - ამბობს გიორგი მამალაძე.
