იტალიელმა პოლიტიკოსმა ვიტორიო სგარბიმ Vanitiy Fair-თან ინტერვიუში თქვა, რომ ტურინის „იუვენტუსის“ მეკარე შესაძლოა, სპორტის მინისტრი გახდეს. სგარბის თქმით, ჯანლუიჯი ბუფონს მისი პროგრამა და შეხედულებები მოსწონს, ამიტომ სგარბი 2018 წლის საპარლამენტო არჩევნებში გამარჯვების შემთხვევაში სპორტის მინისტრის პოსტს შესთავაზებს.
შეკითხვაზე, ადასტურებდა თუ არა, რომ ბუფონს მინისტრობა შესთავაზა, ვიტორიო სგარბიმ უპასუხა: „რა თქმა უნდა. ის პატრიოტია და გაწონასწორებული ადამიანი, უყვარს ხელოვნება და პოლიტიკა. მალე საფეხბურთო კარიერასაც დაასრულებს და ჩემი გამარჯვების შემთხვევაში სპორტის მინისტრი გახდება“.