ახალციხის რაიონულმა სასამართლომ ცოლის განზრახ მკვლელობაში, ორი პირის განზრახ მკვლელობის მცდელობასა და ძალადობაში ბრალდებული დამნაშავედ ცნო.
მოსამართლის გადაწყვეტილებით, საქართველოს სისხლის სამართლის კოდექსის 111 108-ე მუხლით, 19-109-ე მუხლის მესამე ნაწილის „ა“ ქვეპუნქტით და 126-ე მუხლის პირველი ნაწილით, ბრალდებულს სასაჯელის სახედ 17 წლით თავისუფლების აღკვეთა განესაზღვრა.
როგორც „ლიბერალს“ ახალციხის რაიონულ სასამართლოში უთხრეს, საქმე ეხება შემთხვევას, როცა 2017 წლის 09 აპრილს, დაბა ასპინძაში ეჭვიანობის ნიადაგზე პირმა დანის მრავლობითი ჭრილობები მიაყენა ცოლს. მიღებული დაზიანებისგან დაჭრილი ადგილზე გარდაიცვალა. პირმა ასევე ფიზიკური შეურაცხყოფა მიაყენა ცოლის დას და კიდევ ორი პირის მკვლელობა სცადა.
