ფრაქცია „ნაციონალური მოძრაობის“ წევრმა, რომან გოცირიძემ, პარლამენტის რიგგარეშე სხდომაზე სიტყვით გამოსვლისას განაცხადა, რომ პარტია ბოიკოტს უცხადებს კონსტიტუციის ამ გზით მიღებას და კენჭისყრაში მონაწილეობას არ მიიღებს.
პარლამენტის რიგგარეშე სხდომაზე კონსტიტუციის შესახებ პრეზიდენტის მოტივირებულ შენიშვნებს განიხილავენ.
უმრავლესობის წევრები ამბობენ, რომ პრეზიდენტის ვეტოს დაძლევენ. ვეტოს დაძლევას მხარს არ უჭერს „ევროპული საქართველო"
„მიიღეთ ეს კონსტიტუცია, თქვენ ამას დაამტკიცებთ, ხელს აწევთ. ჩვენ ბოიკოტს ვუცხადებთ ასეთი ძალადობრივი გზით კონსტიტუციის მიღებას და ჩვენ არ მივიღებთ კენჭისყრაში მონაწილეობას. დაგტოვებთ იმ პარტიებთან ერთად, რომლის ხუთის ჯამი ყველა შემთხვევაში იქნება ერთი,“ - განაცხადა რომან გოცირიძემ.