დღეს ლისის თბაზე ფსიქიკური ჯანმრთელობის  მსოფლიო  დღესთან დაკავშირებით ფსიქიკური ჯანმრთელობის პრობლემების მქონე პირთა მხარდაჭერის აქცია -“ნაბიჯით იარ ფსიქიკური ჯანმრთელობისათვის” გაიმართება. 

ღონისძიება დილის 12:30 საათზე დაიწყება და შუადღის 3 საათამდე გაგრძელდება. აქტივისტები და ორგანიზატორები მედიისათვის განცხადებებს  14:00  საათზე გააკეთებენ.

ღონისძიების ფარგლებში ლისის ტბაზე სასეირნო წრე მოეწყობა, სადაც   წრეზე განლაგებულ ‘სადგურებზე’ მონაწილეები ცოცხალ გამოცდილებას მიიღებენ და გააზიარებენ. სადგურებზე კამპანიის მონაწილეებს ტაიჩის, ციგუნის, სხვადასხვა იოგას, და დეტოქს ვეგანური კვების ინსტრუქტორები დახვდებათ. მონაწილეებს შესაძლებლობა ექნებათ ჩაერთონ სხვადასხვა შემოქმედებით ღონისძიებებში (ძერწვა, ხატვა), იმღერონ ორფის ხელოვნების ინსტრუქტორების დახმარებით და მოუსმინონ ბავშვთა პარაორკესტრს.

რატომ ფსიქიკური ჯანმრთელობა?

საქართველოში ყოველ მეოთხე ადამიანს ფსიქიკური ჯანმრთელობის პრობლემები აქვს;

მაღალია ფსიქიკურ ჯანმრთელობასთან დაკავშირებული სტიგმა;

დაბალია ფსიქიკური ჯანმრთელობის სათემო სერვისებსა და ხარისხიან მედიკამენტებზე ხელმისაწვდომობა;

მწირია ფსიქიკურ ჯანმრთელობაში ფინანსური და ადამიანური რესურსი;

გავრცელებულია სერვისების დაფინანსების არამართებული მოდელები;

არასაკმარისია უფლებათადაცვითი სერვისები;

მატულობს სუიციდის რიცხვი;

მატულობს ალკოჰოლისა და ნარკოტიკების ავადმოხმარება;

არ არსებობს ფსიქიკურ ჯანმრთელობაზე სრული მონაცემები და კვლევები.