„ექსკლუზიურ კადრებს“, რომელსაც სპეცსამსახურების სუნი ასდის, მხოლოდ პროვოკაციად ვაფასებთ" - ალეკო ელისაშვილის საარჩევნო შტაბის სპიკერმა ლაშა მესხმა განცხადება გაავრცელა, რომელშიც ელისაშვილისა და ირაკლი ოქრუაშვილის შეხვედრის ამსახველ კადრებს ეხმაურება.
„დასამალი ჩვენ ამ შეხვედრასთან დაკავშირებით არაფერი გვაქვს - თუმცა დღეს საგანგებოდ გავრცელებულ „ექსკლუზიურ კადრებს“ , რომელსაც სპეცსამსახურების სუნი ასდის, მხოლოდ პროვოკაციად ვაფასებთ. საგულისხმოა ის ფაქტი, თუ როგორ აღმოჩნდა სათვალთვალოკამერიანი პიროვნება ე.წ. მაყალთან? ისევ გვისმენენ?“ - წერია ლაშა მესხის მიერ გავრცელებულ განცხადებაში.
ალეკო ელისაშვილისა და ირაკლი ოქრუაშვილის შეხვედრის ფარული კამერით გადაღებული ვიდეო დღეს სააგენტო „პრაიმ ტაიმმა“ გაავრცელა. გავრცელებულ ვიდეოში არ ჩანს შეხვედრის შინაარსი.
