საქართველოს კონსტიტუციაში განხორციელებული ცვლილებები „საკანონმდებლო მაცნეში" გამოქვეყნდა. პრეზიდენტმა საკონსტიტუციო ცვლილებებს გუშინ მოაწერა ხელი.
შეგახსენებთ, რომ საკონსტიტუციო ცვლილებების პროექტს პრეზიდენტმა ვეტო დაადო, თუმცა პარლამენტმა ის 117 ხმით დასძლია.
„სამწუხაროდ ამ საკითხში, ისევე როგორც ბევრ სხვა საკითხში, „ქართული ოცნება“ ვერ გასცდა იმ ტრადიციას, რომელიც ერთპარტიულ კონსტიტუციას იღებდა ხოლმე საქართველოში და პარლამენტმა მიიღო, ის რაც აქამდეც მომხდარა, ერთპარტიული კონსტიტუცია.
სწორედ ამიტომ, ჩემთვის უაღრესად ძნელია, ამ კონსტიტუციაზე ხელის მოწერა, მიუხედავად ამისა, ქვეყნის შიდა და გარე გამოწვევებიდან გამომდინარე, გამომდინარე იქიდან , რომ ყველანაირი ნაბიჯი უნდა გადავდგათ, რომ თავიდან აცილებულ იყოს შესაძლო დესტაბილიზაციის მიზეზები, მე როგორც სახელმწიფოს მეთაური, სამხედრო ძალების უმაღლესი მთავარსარდალი და კონსტიტუციის გარანტი, ხელს ვაწერ ამ დოკუმენტს“, - განაცხადა პრეზიდენტმა.
საკანსტიტუციო ცვლილებები ძალაში 2018 წლიდან შედის, როცა ახალარჩეული პრეზიდენტი საპრეზიდენტო ფიცს დადებს.