თბილისის მერობის დამოუკიდებელი კანდიდატის ალეკო ელისაშვილის თქმით, ეგზიტპოლის შედეგები „ქართული ოცნების“ გაყალბებულ ციფრებს ჰგავს. „ერთი საათის წინ გავმართე პრესკონფერენცია და ვთქვი, რომ „ქართული ოცნება“ თავის თავს 54 ან 58%-ს დაუწერს მეთქი. პარტიის შტაბში გადაწყვიტეს ასე. ეს დამთხვევა არ არის, ცდილობენ ამ აზრის მოხვევას, გაყალბებული ციფრის დამკვიდრებას.“ - განუცხადა ელისაშვილმა საზოგადოებრივ მაუწყებელს. მისი თქმით, შედეგებზე საუბარი ჯერ ადრეა და დაელოდება ოფიციალურ მონაცემებს.

ალეკო ელისაშვილმა მადლობა გადაუხადა თავის მხარდამჭერებს და განაცხადა, რომ თავის ხმებს დაიცავს. „თითოეული ხმისთვის ვიბრძოლებ და ეს იქნება ჩემი მხრიდან გადახდილი მადლიერება.“ - განაცხადა ალეკო ელისაშვილმა საზოგადოებრივი მაუწყებლის ეთერში.