ცენტრალური საარჩევნო კომისიის წინასწარი მონაცემებით, 5 თვითმმართველი ქალაქიდან 4-ში „ქართული ოცნების“ მერობის კანდიდატი პირველივე ტურში გაიმარჯვა, ხოლო ქუთაისში, სავარაუდოდ, არჩევნების მეორე ტური გაიმართება.
ამ დროისთვის, ქუთაისში 124 უბნიდან მონაცემები დათვლილია 119 უბნის მიხედვით. „ქართული ოცნების“ კანდიდატს გიორგი ჭიღვარიას ხმების 48.56% აქვს მიღებული, „ერთიანი ნაციონალური მოძრაობის“ კანდიდატს გრიგოლ ვაშაძეს კი - 27.05%.
ამ დროის მონაცემებით, თბილისში უბნების 100%-ია დათვლილი, „ქართული ოცნების“ კანდიდატმა კახა კალაძემ 51.06% მიიღო.
რუსთავში 87 უბნიდან მონაცემები დათვლილია 82 უბნის მიხედვით, რომლის თანახმადაც, „ქართული ოცნების“ კანიდატმა, ირაკლი ტაბაღუამ 53.05% მიიღო.
ფოთში ამ დროისთვის 32 უბნიდან მონაცმები დათვლილია 31 უბნის მიხედვით, „ქართული ოცნების“ კანდიდატმა გოჩა კურდღელიამ ხმების 54.92% მიიღო.
ბათუმში 103 უბნიდან მონაცემები დათვლილია 102 უბნის მიხედვით, სადაც „ქართული ოცნების“ კანდიდატმა ლაშა კომახიძემ ხმების 55.67% მიიღო.