„მერიის კარი ღია იქნება თბილისის თითოეული გულშემატკივრისთვის. ნებისმიერი კონსტრუქციული ძალისთვის და თუნდაც ჩემი კონკურენტებისთვის, რომელთაც კონკრეტული რეალისტური იდეები აქვთ და სურთ, წვლილი შეიტანონ ჩევნი დედაქალაქის, უკეთესი მომავლის მშენებლობაში“ - განაცხადა თბილისის არჩეულმა მერმა კახა კალაძემ.
მისი თქმით, თუკი ოპონენტებს აქვთ კონკრეტული იდეები და პროექტები თბილისთან დაკავშირებით, იგი თანამშრომლობისთვის მზად არის.
„მინდა, ყველამ იცოდეს, რომ არჩევნებში არავინ დამარცხებულა. ამ არჩევნებში გაიმარჯვა ქართველმა ხალხმა. გაიმარჯვა თბილისმა და თითოეულმა თბილისელმა“. - თქვა კალაძემ.
მისი თქმით, მოქალაქეების მისდამი მხარდაჭერა აძლევს სტიმულს, თავდაუზოგავად იმუშაოს თბილისელების წინაშე მდგარი გამოწვევების დასაძლევად.
„სამართლიანი და დემოკრატიული არჩევნებით საქართველომ კიდევ ერთხელ დაადასტურა, რომ არის დემოკრატიული სამყაროს ევროპული ოჯახის ღირსეული წევრი“ - თქვა კალაძემ.