ორგანიზაცია „საქართველოს პარლამენტართა საზოგადოების" წარმომადგენლის, ფიქრია მამარდაშვილის განცხადებით, ოზურგეთში 43-ე საარჩევნო უბანზე მისულ ამომრჩეველთა სიებს კონკრეტული პირები ადგენენ. მისი თქმით, მან აღნიშნული ვიდეოკამერით გადაიღო, რასაც მცირე ინციდენტი მოჰყვა.
მისი განცმადებით, ამის გამო მან შემდეგ პატრული გამოიძახა, თუმცა სამართალდამცავებმა მისთვის კამერის წართმევა სცადეს.
„ამ მანქანაში სხედან ქალბატონები სიებით, მონაცემებია იმ სიებში დაფიქსირებული და საარჩევნო უბანზე ვინც კი მოდის ამომრჩეველი ყველა მიდის მანქანებთან და აძლევენ დავალებებს ან რაიმეს გადასცემენ. ჩვენ გამოვიძახეთ 112 და მოვიდა პოლიციის ეკიპაჟი. ერთ-ერთი არ ვიცი პოლიციის თანამშრომელი იყო თუ ვინ იყო ჩაჯდა პოლიციის მანქანაში, არ წარმომიდგინა საკუთარი თავი ვინ იყო და კამერა დამიხურა და ფიზიკურადაც კი შემეხო. ცდილობდა კამერა წაერთმია", - განაცხადა ფიქრია მამარდაშვილმა.
