„ნაციონალური მოძრაობის“ მოთხოვნა იყო, რომ საკრებულოს დღევანდელ სხდომაზე განსახილველი საკითხების ნუსხიდან ამოეღოთ საკითხი, რომლის თანახმად, მერიის უსაფრთხოების უფროსად ნუგზარ ჭონქაძე ინიშნებოდა. მოთხოვნა საკრებულომ არ დააკმაყოფილა. ამის შემდეგ ოპოზიციურმა პარტიამ საკრებულოს კომისიების გაერთიანებული სხდომა დატოვა.
„ნაციონალური მოძრაობის“ წევრმა ირაკლი ნადირაძემ განაცხადა, რომ კახა კალაძემ თბილისის ყოფილ მერ დავით ნარმანიაზე ბევრად ცუდად დაიწყო თავისი მერობის პირველი დღეები. მისი თქმით, კალაძის სხდომაზე მიუსვლელობა საკრებულოს უპატივცემულობაა.
„მინდა ვთქვა, რომ ძალიან ცუდად ნარმანიაზე ბევრად ცუდად იწყებს ბატონი კალაძე თავისი მერობის პირველ დღეებს. ის, რომ დღეს საკრებულოშიარ მობრძანდა, ეს ნიშნავს ჩვენი საზოგადოების უპატივცემულობას, მათ შორის პატივცემულო დეპუტატებო, თქვენს უპატივცემულობას. ქალაქში ძალიან ბევრი მწვავე კითხვა, ბევრი პრობლემა დაგროვდა წლების განმავლობაში“, - განაცხადა „ნაციონალური მოძრაობის“, - წევრმა ირაკლი ნადირაძემ.