თბილისის ბაგა-ბაღების მართვის სააგენტოს კახაბერ გვანცელაძე უხელმძრვანელებს. იგი ყოფილი მერის, დავით ნარმანიას დროს დედაქალაქის ეკონომიკური განვითარების საქალაქო სამსახურს ხელმძღვანელობდა.
დღეს თბილისის მერიაში, კახა კალაძის ხელმძღვანელობით, დედაქალაქის მთავრობის პირველი სხდომა გაიმართა. თბილისის მერმა სხდომაზე სსიპ-ებისა და აიპ-ების ახალი ხელმძღვანელები წარადგინა.
როგორც სხდომის დასრულების შემდგომ გვანცელაძემ ჟურნალისტებს განუცხადა, მისთვის პრიორიტეტული და ნომერ პირველი ამოცანა ბაღებში თანამედროვე სტანდარტების ინტეგრირება, ახალი ბაღების მშენებლობა, ინკლუზიური განათლების ხელშეწყობა და ბაღების ინსტიტუციური განვითარება იქნება.
თბილისის ბაგა-ბაღების მართვის სააგენტოს ყოფილმა ხელმძღვანელმა, თემურ თორდინავამ თანამდებობა პირადი განცხადების საფუძველზე 13 ნოემბერს დატოვა.
