მეტროსადგურ „დიდუბეში“ მოქალაქე დაშავდა. როგორც „ლიბერალს“ თბილისის სატრანსპორტო კომპანიაში განუცხადეს, შემთხვევა 14:15 წუთზე მოხდა. მამაკაცი ლიანდაგებში, სავარაუდოდ, გამიზნულად ჩახტა. შემთხვევის ადგილს სამართალდამცველები სწავლობენ და თბილისის მეტრო ამ დროისთვის შეფერხებით მუშაობს.
საგანგებო სიტუაციების მართვის სააგენტოს განცხადებით, ახალგაზრდა მამაკაცი შსს-ს მაშველებმა რელსებიდან ამოიყვანეს. სასწრაფო სამედიცინო დახმარების ჯგუფმა ის სამკურნალო დაწესებულებაში გადაიყვანა.
