წყალტუბოს მუნიციპალიტეტში, „გუმათჰესი 2-ის“ ტერიტორიაზე აფეთქების შედეგად გაჩენილი ხანძარი ლოკალიზებულია, – ინფორმაციას საქართველოს შინაგან საქმეთა სამინისტრო პრესსამსახური ავრცელებს.

მომხდართან დაკავშირებით გამოძიება სსკ-ს 187-ე მუხლის მე-2 ნაწილით დაიწყო.

ქუთაისში „გუმათჰესი 2-ზე“ ხანძარი 18:00 საათზე გაჩნდა. ხანძრის შედეგად არავინ დაშავებულა.

პირველადი ინფორმაციით, მომხდარი აფეთქების შედეგად, „გუმათჰესი 2-ის“ მიმდებარე ტერიტორიაზე დაიღვარა 18 ტონამდე საწვავი. ასევე, ხანძარი გაუჩნდა ზეთის ტრანსფორმატორს. აღინიშნა ღია ცეცხლი და ძლიერი დაკვამლიანება.