საქართველოს პარლამენტის აპარატი 19 ავტომანქანის (სედანის) შესყიდვის მიზნით ელექტრონულ ტენდერს აცხადებს.
2017 წელს გამოშვებული ავტომანქანების შესაძენად ბიუჯეტიდან 855 000 ლარია გამოყოფილი. წინადადებების წარდგენა 15 დეკემბერს დაიწყება და 18 დეკემბერს დასრულდება.
ტენდერის პირობების თანახმად, მიწოდების ვადა, ხელშეკრულების ძალაში შესვლიდან 120 კალენდარული დღეა. გარდა ამისა, დოკუმენტების თანახმად, ავტომობილი უნდა იყოს მარცხენასაჭიანი, ვერცხლისფერი, შავი ფერის სალონით, კონდინციონერითა და აუდიოსისტემით აღჭურვილი.
