2018 წლის 1 თებერვლიდან „საზოგადოებრივი მაუწყებლის" ევროპის ბიურო იხურება. როგორც ბიუროს კორესპონდენტი ქეთი ქარდავა Facebook-ის პირად გვერდზე წერს, ევროპის ბიუროს დახურვის შესახებ გადაწყვეტილება არხის ხელმძღვანელობამ მიიღო. 

„მიზეზად მენეჯმენტი ფინანსებს ასახელებს. არხის ხელძღვანელობა ფიქრობს, რომ თბილისიდან უფრო იაფია და ნაკლებ ხარჯებთან არის დაკავშირებული ევროპაში NATO-სა და ევროკავშირზე სიუჟეტების მომზადება, ვიზიტების გაშუქება, ვიდრე ევროპის პოლიტიკური ცენტრიდან ევროპის სხვა ქალაქებში გადასვლა. გილოცავთ დამდეგ ახალ წელს", - წერს ქარდავა. 

„მაუწყებლობის შესახებ" კანონის თანახმად, „საზოგადოებრივი მაუწყებლისთვის" დაკისრებულ შინაარსობრივ ვალდებულებებს შორისაა: „უზრუნველყოს საქართველოს საგარეო პოლიტიკის ძირითადი მიმართულებების,  მათ შორის, NATO-სა და ევროკავშირში ინტეგრაციის პოპულარიზაცია".