ყოფილი ცოლის და სიმამრის ცემაში ბრალდებულს გრიგოლ ბაკურაძეს ქუთაისის სააპელაციო სასამართლომ წინასწარი პატიმრობა შუფარდა. ის დარბაზშივე დააკავეს. ამის შესახებ ინფორმაცია „ლიბერალს“ თავად ბრალდებულის ყოფილმა მეუღლემ, დეა გოშხეთელიანმა დაუდასტურა.
3 იანვარს გრიგოლ ბაკურაძემ ყოფილ მეუღლეს მცირეწლოვანი შვილის თანდასწრებით სცემა, შემდეგ კი მამამისს, რომელიც ტვინის შერყევით საავადმყოფოში მოხვდა.
5 იანვარს გრიგოლ ბაკურაძე ქუთაისის საქალაქო სასამართლომ 3000-ლარიანი გირაოს სანაცვლოდ გაათავისუფლა. პროკურატურა პატიმრობის შეფარდებას მოითხოვდა. დღეს კი სააპელაციო სასამართლომ საქალაქო სასამართლოს ეს გადაწყვეტილება გააუქმა.
დეა გოშხეთელიანი მეუღლეს დაახლოებით ნახევარი წლის წინ დაშორდა. როგორც მედიასთან საუბარში აცხადებს, ამ პერიოდის განმავლობაში ის ყოფილი მეუღლის მხრიდან შევიწროებას და ძალადობას განიცდიდა.