თბილისის მერის კახა კალაძის თქმით, 2018 წელს გმირთა მოედანთან ახლოს, „ლაგუნა ვერეს“ მიმდებარე ტერიტორიაზე გზა გაფართოვდება, მაგრამ ესტაკადის მშენებლობა არ იგეგმება.
„ეს არის მხოლოდ გზის გაფართოება. ამ კონკრეტულ მონაკვეთზე ესტაკადის მშენებლობა არ იგეგმება. ეს ინფრასტრუქტურული პროექტი 2018 წელს განხორციელდება და ის თავად ”ლაგუნა ვერეს” ტერიტორიას არ შეეხება“, - თქვა კალაძემ ჟურნალისტებთან.
ამ ადგილას გზის გაფართოების ინიციატივა კალაძემ წინასაარჩევნო პერიოდში გამოთქვა. საპასუხოდ, ბენზინგასამართი სადგურების მფლობელმა კომპანიებმა, რომლების ხარჯზეც უნდა გაფართოვდეს გზა, განცხადება გაავრცელეს. კომპანიების ერთობლივი განცხადებით, ისინი სოციალური პასუხისმგებლობის გამო, მზად არიან ამ ინფრასტრუქტურული პროექტისთვის საკუთარი ბენზინგასამართი სადგურები ტერიტორიიდან მოხსნან.