კლუბ „ბასიანის“ ტერიტორიაზე სამი პირის, მათ შორის ერთი პოლიციელის დაჭრაში ბრალდებულის გირაოს სანაცვლოდ გათავისუფლების შესახებ ბრალდებულის მამა, ბიზნესმენი პაატა ქვლივიძე „პალიტრანიუსთან“ საუბრობს.
პაატა ქვლივიძე ამბობს, რომ ის უმუშევარია, არავინ ჰყავს და არც არავისთვის უთხოვია შვილის გირაოთი გათავისუფლება. ასევე ამბობს, რომ მისი შვილი, ბრალდებული თამაზ ქვლივიძე აფექტურ მდგომარეობაში თავდაცვის მიზნით იქნევდა დანას
„არსად არ ვმუშაობ, გაუქმდა ჩვენი სამსახური და წელიწად-ნახევარია უმუშევარი ვარ. მეგობრებმა რაღაც თანხა შეაგროვეს და შევიტანეთ გირაო. მოსამართლემ რომ დაინახა, წესიერი ადამიანია, არ არის მკვლელი და აფექტში მოხდა, გამოუშვა. დაცვები თქვენც იცით კარგად, როგორც იქცევიან. ჩემი შვილი იქნევდა [დანას] თავდაცვის მიზნით და მოხდა ეგ ამბავი. გამოძიება მიმდინარეობს და გამოიძიებს ყველაფერს. არც ჩემი შვილი არ გარბის არსად, ჩვეულებროვად კიდეც ჩაბარდება და ა.შ. მოსამართლემ გამოუშვა, რა ვიცი, არც მითხოვნია არავისზე, არ მყავს პატრონი, რომ ვიღაცეები ჩამერია,“ - ამბობს „პალიტრანიუსთან“ პაატა ქვლივიძე.
გუშინ კლუბ „ბასიანის“ ტერიტორიაზე სამი პირის დაჭრაში ბრალდებული სასამართლომ გირაოს სანაცვლოდ გაათავისუფლა. საქართველოს მთავარმა პროკურატურამ ბრალდებულისთვის აღკვეთის ღონისძიების სახით პატიმრობა მოითხოვა, თუმცა, დღეს გამართულ სასამართლო პროცესზე, თბილისის საქალაქო სასამართლომ ბრალდებულს აღკვეთის ღონისძიების სახით 30 000 ლარის ოდენობით გირაო შეუფარდა.
ვერძეული: „ბასიანთან“ 3 პირის დაჭრაში ბრალდებულის გირაოთი გათავისუფლება კითხვებს აჩენს
შსს „ბასიანთან" დაჭრილი პოლიციელის საქმეზე: არ დავუშვებთ თავდამსხმელის დაუსჯელობას
