NDI-ის საზოგადოებრივი აზრის კვლევის მიხედვით, მოსახლეობის 69%-მა არ იცის, რომ საქართველოს პარლამენტმა 26 სექტემბერს საკონსტიტუციო ცვლილებები დაამტკიცა.
მოსახლეობის იმ 25%-დან, რომელსაც სმენია აღნიშნული ცვლილებების შესახებ, 60% მიიჩნევს, რომ საკონსტიტუციო ცვლილებებზე საკმარისი ინფორმაცია არ გააჩნია.
2017 წლის დეკემბრის მონაცემებით, გამოკითხულთა 60% ფიქრობს, რომ ცვლილებები კონსტიტუციაში ნაწილობრივ ასახავს მოქალაქეების შეხედულებებს.
ეროვნულ-დემოკრატიულმა ინსტიტუტმა (NDI) და CRRC-საქართველომ დეკემბერში ჩატარებული საზოგადოებრივი აზრის კვლევის პოლიტიკური ნაწილი წარმოადგინა. პრეზენტაცია ეხებოდა პარლამენტთან, გენდერულ თანასწორობასთან, მიმდინარე მოვლენებსა და პარტიების მხარდაჭერასთან დაკავშირებულ მიგნებებს. კვლევის საველე სამუშაოები მოიცავს 29 ნოემბერი-19 დეკემბრის პერიოდს, საქართველოს მასშტაბით (ოკუპირებული ტერიტორიების გამოკლებით), 2,298 პირისპირ ინტერვიუს წარმომადგელობითი შერჩევის საფუძველზე, ქვეყნის ქართულ, სომხურ და აზერბაიჯანულენოვან მოსახლეობას შორის ჩატარდა (ოკუპირებული ტერიტორიების გამოკლებით). კვლევაში საშუალო ცდომილების ზღვარი არის +/- 1.9 პროცენტი.
NDI-ის კვლევები ხორციელდება დიდი ბრიტანეთის მთავრობის UK aid-ის ფინანსური ხელშეწყობით. გამოკითხვას ატარებს CRRC საქართველო.
კვლევაში საშუალო ცდომილების ზღვარი არის +/- 1.9 პროცენტი.