გერმანიაში გამართულ სათამაშოების გამოფენა Spielwarenmesse 2018-ზე სამი ქართული კომპანია: შპს „კოდალა“, შპს „ჯეოთოიზ“ და შპს „თამაშობანა“ მიიღებს მონაწილეობას. ამის შესახებ ინფორმაციას ეკონომიკის სამინისტრო ავრცელებს. ნიურნბერგში გამოფენა 2018 წლის 31 იანვარიდან 4 თებერვლამდე გაგრძელდება.
ეკონომიკის სამინისტროს ინფორმაციით, საერთაშორისო გამოფენაზე, რომელშიც 60 ქვეყნის 2850-ზე მეტი სათამაშოების მწარმოებელი კომპანია მონაწილეობს, ქართველი მეწარმეები მონაწილეობას სააგენტოს „აწარმოე საქართველოში“ ორგანიზებით მიიღებენ.
სააგენტოს მიხედვით, სათამაშოების გამოფენაზე - Spielwarenmesse 2018 მონაწილეობის მიზანია ქართულ კომპანიების ხელშეწყობა, რათა დაამყარონ ბიზნეს კავშირები უცხოელ პოტენციურ პარტნიორებთან თუ დამკვეთებთან, ასევე უკეთ გაეცნონ გლობალურ ტენდენციებს და თანამდეროვე ტექნოლოგიების როლს ამ სფეროში.