„საპარტნიორო ფონდი“ რაჭაში ხორცპროდუქტების გადამამუშვებელი საწარმოს გახსნას ზაფხულში აპირებს. ფონდმა მთის ღორის გადარჩენის პროექტი ესპანელ პარტნიორებთან ერთად დაიწყო და 2017 წელს რაჭაში ქართული ჯიშის ღორების ფერმა გააკეთა.
ფონდის ვებგვერდის მიხედვით, პროექტის საინვესტიციო მოცულობა 12 მილიონი დოლარია და ქართული უნიკალური მთის ღორისგან პირველად საქართველოში ჰამონის წარმოებასა და ხორცპროდუქტების გადამამუშავებელი ულტრათანამედროვე საწარმოს შექმნას გულისხმობს.
ესპანური კომპანია DERAZA IBERICO, რომელიც ამ პროექტშია ჩართული სპეციალური შავი ფერის ღორის ჯიშისგან ჰამონს ამზადებს. ჰამონი ამ, იბერიკოს ჯიშისგან დამზადებულ ლორს ეწოდება და მსოფლიოში ცნობილი პროდუქტია. როგორც „საპატრნიორო ფონდის“ აღმასრულებელმა დირექტორმა „პალიტრანიუსთან“ თქვა, მათ ესპანელ პარტნიორებთან ერთად საქართველოში მოიძიეს ადგილობრივი ჯიშები და შერჩეული ღორის ჯიშები, მათ შორის მთის ღორი ახლოს აღმოჩნდა ესპანური იბერიკოს ჯიშის ღორთან, რომლისგანაც მზადდება ჰამონი.
„ჩვენი ესპანელი პარტნიორები აღფრთოვენებულები არიან იმ შედეგებით, რაც მივიღეთ. ახლა დიდი საწარმო რაჭაში შენდება. ამ საწარმოს ალბათ ზაფხულის დასაწყისში გავხსნით და საშუალება გექნებათ ნახოთ პირველი ქართული ჰამონის რაჭული ლორის წარმოება“, - განაცხადა დავით საგანელიძემ.
