საქართველოს გენერალური კონსულის ფრანკფურტში იოსებ ჩხიკვიშვილის განცხადებით, რეადმისიის ფარგლებში გერმანიიდან ქართველების დეპორტაცია 21 მარტს კიდევ იგეგმება. ამის შესახებ იოსებ ჩხიკვიშვილმა „რუსთავი 2-ის“ ეთერში განაცხადა.
იოსებ ჩხიკვიშვილის თქმით, მოქალაქეების მიმართ უფლებების დარღვევის შესახებ ინფორმაცია საკონსულოში არ შესულა.
„ამ კუთხით არცერთ საქართველოს მოქალაქეს არ მოუმართავს. მეორე რეისს ყოველთვის დაჰყვება უცხოეთის აპარატის წარმომადგენელი, რომ გერმანიის მთავრობამ მას უარი უთხრას თავშესაფარზე, ეს საკითხიც აქტუალურია და დეპორტაციას ექვემდებარება. ხდება იმ ადამიანების დეპორტაცია, რომლებსაც უარი ეთქვათ აქ თავშესაფარზე,“- განაცხადა იოსებ ჩხიკვიშვილმა.
გერმანიიდან გუშინ საქართველოს 65 მოქალაქე საქართველოში დააბრუნეს. როგორც „ლიბერალს“ შსს-ში განუცხადეს, ქვეყანა დაატოვებინეს იმ მოქალაქეებს, რომლებსაც ევროკავშირის ტერიტორიაზე უვიზო რეჟიმის პირობები ჰქონდათ დარღვეული.
„გერმანიის ფედერაციული რესპუბლიკიდან გუშინ განხორციელდა მორიგი რეადმისია - უკან დააბრუნეს საქართველოს 65 მოქალაქე, რომლებმაც დაარღვიეს ევროკავშირის სივრცეში ყოფნის სავიზო რეჟიმი“, - აცხადებს შსს
