სახელმწიფო აუდიტის სამსახურმა ინვენტარიზაციის შედეგად გარდაბნის მერიაში ვერ მოიძია ორი ავტომობილი, რომელიც ოფიციალურ დოკუმენტებში არის აღნიშნული.
„კერძოდ, მუნიციპალიტეტმა ვერ წარმოადგინა ინფორმაცია MITSUBISHI PAJERO 3500 V6/24V-სა და GAZ31029-ის მარკის ავტომანქანების მდებარეობისა და მდგომარეობის შესახებ“, - ნათქვამია აუდიტის ანგარიშში.
ასევე ირკვევა, რომ საგზაო-სატრანსპორტო შემთხვევის შედეგად დაზიანებულია 2010 წლის შემდეგ ახლადშეძენილი 3 ავტომანქანა.
„WOLKSKWAGEN PASSAT 2013 წლის თხოვების ხელშეკრულებით გადაცემული ჰქონდა საქართველოს პარლამენტის წინა მოწვევის მაჟორიტარ დეპუტატს. 2 ავტომანქანას - KIA RIO-ს, 2012 და 2015 წლებიდან განკარგავდნენ მუნიციპალიტეტის საკრებულოს წევრები. აღნიშნულ პიროვნებებს მუნიციპალური ქონება გადაცემული ჰქონდათ სარგებლობის უფლებით და წარმოადგენდნენ მატერიალურად პასუხისმგებელ პირებს“, - აღნიშნულია აუდიტის სამსახურის ანგარიშში.