საზოგადოებრივი მაუწყებლის მიმდინარე და პოლიტიკური ბლოკის დირექტორმა, გიორგი გვიმრაძემ პირველი არხის გადაცემაში „აქტუალური თემა მაკა ცინცაძესთან ერთად“ განაცხადა, რომ 26 თებერვლიდან საინფორმაციო სამსახური ახალ, თანამედროვე და ინტეგრირებულ ნიუსრუმში გადადის, რაც იმას ნიშნავს, რომ პროცესი ლოგიკურ წერტილამდე მივიდა.
„პროექტზე მუშაობა დიდი ხნის განმავლობაში მიდიოდა. გარემონტდა და განახლდა პირველი კორპუსის მესამე სართული. იქიდან გამომდინარე, რის საშუალებასაც ამ შენობის მდგომარეობა გვაძლევს, მაქსიმალურად ვეცადეთ, ამ ყველაფრისთვის სივრცე გაგვეხსნა, რადგან ინტეგრირებული ნიუსრუმი გულისხმობს გახსნილ სივრცეს და ღია კომუნიკაციას იმ თანამშრომლებთან, რომლებიც ახალ ამბებს, საზოგადოებრივ-პოლიტიკურ გადაცემებს აკეთებენ.
ნელ-ნელა, ამას ე.წ. ნიუსრუმის სისტემაც დაეწევა, რომელმაც ნიუსრუმის მუშაობაში ინტეგრაციისა და კომუნიკაციის პროცესს ხელი ბოლომდე უნდა შეუწყოს“, – განაცხადა გვიმრაძემ.
