Search
"ლიბერალი" მისამართი: თბილისი, რუსთაველის 50 ტელეფონი: +995 32 2470246 ელ. ფოსტა: [email protected] Facebook: https://www.facebook.com/liberalimagazine
გაგზავნა
გაგზავნა

სტალინის გარდაცვალების 65 წლისთავის აღსანიშნავად გორში კომუნისტებმა აქცია გამართეს

05 მარტი, 2018 12:56

გორში იოსებ სტალინის გარდაცვალების 65 წლისთავის აღსანიშნავად, სტალინისტები და კომუნისტური პარტიის წარმომადგენლები აქციას მართავენ. ისინი გორში სტალინის ძეგლის დაბრუნებას მოითხოვენ. 

„დღევანდელ დღეს, 1953 წლის 5 მარტს, გარდაიცვალა კაცობრიობის უდიდესი პიროვნება, დიდი ქართველი, იოსებ ბესარიონის ძე სტალინი. ადამიანი, რომელმაც შეძლო, შეექმნა სახელმწიფო, სადაც ადამიანები თანაბარი უფლებებით სარგებლობდნენ. განავითარა ინდუსტრია, სოფლის მეურნეობა. მისცა საშუალება თითოეულ მცხოვრებს, ჰქონოდა განათლების, ჯანმრთელობის გაკაჟების, არსებობის საშუალება. სამუშაო ადგილებით იყვნენ უზრუნველყოფილები ადამიანები. მან მოახერხა ფაშიზმის დამარცხება. წუთიერი დუმილით პატივი მივაგოთ სტალინის გარდაცვალებას" - განაცხადეს აქციაზე დემონსტრანტებმა.

აქციის მონაწილებმა სტალინის ხსოვნას წუთიერი დუმილით მიაგეს პატივი და ეკლესიისკენ გაემართნენ, სადაც პანაშვიდს გადაიხდიან.

„რადიო თავისუფლების" შეკითხვაზე, თუ როგორია მათი პოზიცია არჩილ ტატუნაშვილის საკითხზე, რომელიც დღემდე არ გადმოუსვენებიათ, „კომუნისტური პარტიის" ერთ-ერთი ლიდერი ალეკო ლურსმანაშვილი პასუხობს.

„დიდ გაუგებრობაში ვართ მოხვედრილები ჩვენც და ჩვენი ძმებიც. ცუდი საქმეები კეთდება ორივე მხრიდან. მიუღებლად მიმაჩნია ის, რომ ადამიანი გარდაიცვალა და დღემდე გადმოუსვენებელია. ეს ყოვლად უმსგავსი საქციელია, რა პოლიტიკური ძალაც უნდა იდგეს ამ ანტირელიგიური საქციელის უკან" - ამბობს ლურსმანაშვილი.

მან ასევე განმარტა, რომ პარტია გეგმავს, სტალინის ძეგლის აღდგენის საკითხი დღის წესრიგში კვლავ დააყენოს. 

კომენტარები

ამავე რუბრიკაში

12 დეკემბერი
12 დეკემბერი

EMC რატიანის საქმეზე პროკურატურას მიმართ ...

„პოლიციის მხრიდან ზვიად რატიანის მიმართ განხორციელებული ფიზიკური ძალადობიდან ერთი წელი გავიდა. თუმცა, პროკურატურაშ ...
12 დეკემბერი
12 დეკემბერი

კახიანი: დასანანია, რომ ყველა დეპუტატი ს ...

ბიუჯეტს ჩვენს აუცილებლად მივიღებთ, თუმცა დასანანია, რომ პარლამენტის ყველა წევრი სათანადოდ ვერ აცნობიერებს თავის პასუხისმ ...
12 დეკემბერი
12 დეკემბერი

კვორუმის არარსებობის გამო 2019 წლის ბიუჯ ...

პარლამენტში კვორუმის არარსებობის გამო 2019 წლის ბიუჯეტის პროექტზე კენჭისყრა ვერ ჩატარდა. „კოლეგების უპასუხისმგებლ ...
^