თბილისის სააპელაციო სასამართლომ დეა გოშხეთელიანის Facebook-პოსტის გამო გამოცემული შემაკავებელი ორდერი არ გააუქმა.
შემაკავებელი ორდერი პოლიციამ 2018 წლის თებერვალში გამოსცა.
კერძოდ, 2018 წლის 17 თებერვალს დეა გოშხეთელიანის ყოფილმა დედამთილმა და მულმა პოლიციას მიმართეს შემაკავებელი ორდერის გამოცემის მოთხოვნით, რათა დეა გოშხეთელიანს შეეწყვიტა, მათი შეფასებით, შეურაცხმყოფელი სტატუსების გავრცელება სოციალური ქსელით.
პოლიციამ დააკმაყოფილა მოთხოვნა და დეა გოშხეთელიანს აუკრძალა სოციალურ ქსელში დედამთილისა და მულის მიმართ შეურაცხმყოფელი სტატუსების გავრცელება.
მულის ნაწილში შემაკავებელი ორდერი პირველმა ინსტანციამ გააუქმა, დღეს სასამართლოს დედამთილის ნაწილში გამოცემული შემაკავებელი ორდერის გაუქმებაზე უნდა ემსჯელა.
თუმცა როგორც „ლიბერალს“ ახალგაზრდა იურისტთა ასოციაციის წარმომადგენლემა ნონა ქურდოვანიძემ განუცხადა, ეს მოთხოვნა სააპელაციო სასამართლომ არ დააკმაყოფილა.
