საქართველოს ფინანსთა სამინისტროს საგამოძიებო სამსახურის თანამშრომლებმა ყავის ფალსიფიკაციის ფაქტზე 1 პირი პასუხისგებაში მისცეს.
უწყების განცხადებით, გამოძიებით დადგინდა, რომ ახალქალაქის მუნიციპალიტეტში ერთ-ერთი ინდივიდუალური მეწარმე სხვადასხვა მარცვლეული კულტურის შერევით აწარმოებდა, ვითომდა ნატურალურ, ყავას, რომლის რეალიზაციას საქართველოს მასშტაბით არსებულ სავაჭრო ობიექტებში ახდენდა.
საგამოძიებო მოქმედებების შედეგად ამოღებულია დიდი რაოდენობით ფალსიფიცირებული ყავა და ნედლეული.
საქმეზე მიმდინარეობს გამოძიება საქართველოს სისხლის სამართლის კოდექსის 197-ე მუხლის პირველი ნაწილით, რაც სასჯელის სახით ითვალისწინებს თავისუფლების აღკვეთას 1-დან 3 წლამდე ვადით.