გასული წლის ნოემბერში კომპანია „ამაზონმა“ დააანონსა, რომ „ბეჭდების მბრძანებელზე“ სერიალს გადაიღებდნენ.
მხოლოდ საავტორო უფლებებისთვის კომპანიამ $250 მილიონი გადაიხადა. Reuters-ის ინფორმაციით კი, სერიალის ორი სეზონის პროდუქციისა და მარკეტინგის ხარჯი, შესაძლოა, $500 მილიონამდე, ან უფრო მეტ თანხამდეც გაიზარდოს.
დოკუმენტების მიხედვით, „ბეჭდების მბრძანებლის“ პრიქველის ნახევარმილიარდიანი ბიუჯეტი სამჯერ აღემატება სერიალ Man in the high castle-ის პირველი ორი სეზონის ბიუჯეტს. სერიალის ბიუჯეტი ასევე აღემატება Game of throne-ის ბიუჯეტს, რომლის ბოლო სეზონის თითოეული სერიის გადაღებაც წინასწარი ინფორმაციით $15 მილიონი დაჯდება.