პოლიციამ მელორ ვაჩნაძე ღუდუშაურის კლინიკასთან დააკავა - ინფორმაცია „ლიბერალს“ შსს-ში დაუდასტურეს.
მელორ ვაჩნაძე ადმინისტრაციულ სამართალდარღვევათა კოდექსის 166-ე და 173-ე მუხლებითაა დაკავებული, რაც წვრილმან ხულიგნობასა და პოლიციისთვის წინააღმდეგობის გაწევას გულისხმობს.
„ინტერპრესნიუსის“ ინფორმაციით, ვაჩნაძე ერთ-ერთ პაციენტთან შესვლას ითხოვდა. ვინაიდან პაციენტის ნახვის საათები დასრულებული იყო, დაცვამ მელორ ვაჩნაძე კლინიკაში არ შეუშვა, რასაც როგორც თვითმხილველები ამბობენ, მისი გაღიზიანება მოჰყვა. სააგენტოს ინფორმაციით, მელორ ვაჩნაძემ კლინიკის დაცვას სიტყვიერი შეურაცხყოფა მიაყენა, რის შემდეგაც ის პოლიციამ დააკავა.