ფინანსთა მინისტრი მამუკა ბახტაძე აცხადებს, რომ საქართველოს საბანკო სისტემა ეკონომიკის განვითარებას აფერხებს. მინისტრის შეფასებით, ეს პირიქით უნდა იყოს და საბანკო სექტორი მამოძრავებელი ძალის ფუნქციას უნდა ასრულებდეს.
„მაღალპროცენტიანი სესხები საბანკო სისტემაში აფერხებს მეწარმეობისა და ბიზნესის განვითარებას. საქართველოს საბანკო სისტემა უნდა იყოს არა ეკონომიკის განვითარების მუხრუჭი, არამედ მისი მამოძრავებელი ძალა. თუმცა, სამწუხაროდ ჩვენს ქვეყანაში მივიღეთ რეალობა, სადაც ბანკები არ ასრულებენ ამ მამოძრავებელი ძალის ფუნქციას“,- განაცხადა მამუკა ბახტაძემ.