შინაგან საქმეთა სამინისტროს ცნობით,  "მკვლელობამდე რამდენიმე საათით ადრე, მოკლული თ.გ. და დედამისი პოლიციის განყოფილებაში გამოცხადდნენ" და ეჭვმიტანილის მიმართ "შემაკავებელი ორდერის გამოწერა ითხოვეს, რასაც პოლიციის მხრიდან მოჰყვა შესაბამისი რეაგირება".

შსს-ს ინფორმაციით თ.გ.- მ პირადი საქმეების გამო, პოლიციის შენობა მარტომ, დედაზე ადრე დატოვა. 

პოლიცია საქმე განზრახ მკვლელობის ფაქტზე  იძიებს. ეჭვმიტანილის ვინაობა უკვე დადგენილია და მის დასაკავებლად ოპერატიულ-სამძებრო ღონისძიებები მიმდინარეობს.

შეგახსენებთ, რომ ყელგამოჭრილი ქალი, გუშინ, 13 აპრილს, ბარნოვის ქუჩაზე, დაახლოებით 19:00 საათზე იპოვნეს.

გარდაცვლილი 1993 წელს იყო დაბადებული. 

სახალხო დამცველის ანგარიშის მიხედვით, ბოლო სამი წლის განმავლობაში, ოჯახში ძალადობის შედეგად 40 ქალია მოკლული.