ბათუმის მე-14 საჯარო საბავშვო ბაღში მომხდარზე შსს-მ გამოძიება 126-ე მუხლით დაიწყო, რაც ძალადობას გულისხმობს.
ერთ-ერთი ბავშვის მშობელი „ბათუმელებთან“ ამბობს, რომ საბავშვო ბაღში პარაზიტებზე ანალიზის დროს ბავშვებს ხელებს ძალით უჭერდნენ და ერთმანეთის თანდასწრებით ხდიდნენ საცვალს. მშობელი როდესაც ამ პროცესს შეესწრო, შეჩერება მოითხოვა, თუმცა ამბობს, რომ ექიმები მას შემდეგ შეჩერდნენ, როცა ადგილზე საპატრულო პოლიცია და სახალხო დამცველის წარმომადგენლები მივიდნენ.
„როცა ბაღში მივედი, შვილი ატირებული დამხვდა. მითხრა, გამაშიშვლეს, სხვები მიყურებდნენ და შემრცხვაო… ჩემს შვილს ბაღში წასვლა აღარ უნდა.
დღეს ჩემი შვილი სტრესშია, მეტყველება უჭირს, განიცდის… ამბობს, რომ აღარ უნდა ბაღში წასვლა, თუმცა იქ მაინც დადის“, - ამბობს „ბათუმელებთან“ ერთ-ერთი ბავშვის მშობელი