„საქართველოს ფისომოყვარულთა კლუბმა“ გაავრცელა ფოტო, რომელზეც ოთხი კნუტი მოკლულ დედას არ შორდება. კლუბის წევრების ინფორმაციით, კატა კისტის ტყვიებით მოკლეს მეტრო სამგორთან.
კნუტები კლუბის ერთ-ერთმა წევრმა შეიფარა.
კლუბის წევრები ამბობენ, რომ ცხოველთა მიმართ ასეთ სისასტიკესთან შებრძოლება მხოლოდ კანონითაა შესაძლებელი. ისინი ცხოველთა წამების წინააღმდეგ კანონის გამკაცრებას ითხოვენ.
გარდა ამისა, წლებია ცხოველების უფლებების დამცველები, მათ შორის ფისომოყვარულთა კლუბის წევრებიც, სისხლის სამართლის კოდექსის 259 მუხლის ამოქმედებას ითხოვენ, რომლის მიხედვით ცხოველებისადმი სასტიკი მოპყრობა ჯარიმით ან ერთ წლამდე გამასწორებელი სამუშაო ვადით ისჯება. შესაბამისი მოთხოვნით აქცია პროკურატურასთან 2015 წელსაც გაიმართა. აქცია გამოხმაურება იყოს რუსთავში მომხდარ შემთხვევაზე, სადაც სასტიკად ნაწამები და მოკლული კატა იპოვეს.
