საქართველოს ყინულის ჰოკეის ეროვნული ნაკრები 2018 წლის ყინულის ჰოკეის მსოფლიო ჩემპიონატის III დივიზიონის გამარჯვებულია: "ჩვენი ჩემპიონები მომავალ წელს გამოვლენ II დივიზიონის B ჯგუფში. ძალიან დიდი მადლობა ბიჭებს, არაფრისგან (იგულისხმება პირობები) შედეგი დადეს! ერთი სიცოცხლე, ერთი ოცნება, ერთი გუნდი - ერთადერთი", - წერია საქართველოს ყინულის ჰოკეის ფედერაციის განცხადებაში.
მათივე ინფორმაციით, დაჯილდოების ცერემონია დღის ბოლოს, თამაშის შემდეგ გაიმართება, სადაც ჰონგ-კონგი - სამხრეთ აფრიკას დაუპირისპირდება, აღნიშნული თამაში დაიწყება 22:00 საათზე.