ერევანში ოპოზიციის ლიდერის და აქციის სხვა მონაწილეებს დაკავების მიუხედავად აქცია გრძელდება. ფაშინიანის დაკავების შემდეგ აქციის მასშტაბი ერევანში გაიზარდა. სამართალდამცავებმა ჯამში 250-მდე ადამიანი დააკავეს.
საპროტესტო აქციის მონაწილეები ერევნის ცენტრალურ მოედანზე იკრიბებიან.
ევროკავშირმა სომხეთის ხელისუფლებას დაკავებულების გათავისუფლებისკენ მოუწოდა.
-----
სომხეთის ეროვნული უსაფრთხოების სამსახურმა 22 აპრილს განვითარებულ მოვლენებთან დაკავშირებით განცხადება გაავრცელა და სადაც ნათქვამია, რომ სხვადასხვა პირები და ჯგუფები ეროვნული უსაფრთხოებისა და კონსტიტუციური წესრიგის წინაღმდეგ დანაშაულებს ამზადებენ.
თავდაცვის სამინისტროს განცხადებით კი, ქვეყანაში სიტუაციის შემდგომი ესკალაცია, მთიანი ყარაბაღის წინააღმდეგ ახალი პროვოკაციის განხორციელების წინაპირობას ქმნის.
ფოტოების სანახავად გადადით ბმულზე
------
დღეს 22 აპრილს, დილით ერევანში მოქმედი პრემიერ მინისტრის სერჟ სარგსიანის და ოპოზიციის ლიდერის ნიკოლ ფაშინიანის შეხვედრა გაიმართა. თუმცა შეხვედრა ვერ შედგა და სარგსიანმა ის მისვლიდან მალევე დატოვა. სარგსიანმა ფაშინიანი სიტუაციის ესკალაციაში დაანაშაული.
ამ შეხვედრის დასრულებიდან მალევე ერევნის ცენტრში დააკავეს ნიკოლ ფაშინიანი, რასაც არეულობა მოჰყვა. პოლიციამ პროტესტის მონაწილეების მასობრივი დაკავება დაიწყო და ადგილობრივი მედიის ცნობით, გამოიყენა ძალა მშვიდობიანი პროტესტანტების წინააღმდეგ.
ამის მიუხედავად ამ წუთებშიც აქცია ერევნის ცენტრალურ მოედანზე გრძელდება. მათი მოთხოვნა დაკავებული ფაშინიანის გათავისუფლება და სერჟ სარგისიანის ხელისუფლებიდან წასვლაა.