სომხეთის პრემიერ-მინისტრმა, სერჟ სარგსიანმა თანამდებობა დატოვა. ნახეთ მიმართვის ტექსტი ვრცლად:
„ძვირფასო თანამემამულეებო,
მე მივმართავ სომხეთის ყველა მოქალაქეს, ახალგაზრდასა თუ ხანშიშესულს, კაცსა თუ ქალს.
მივმართავ მათ, ვინც დღე და ღამე დგას ქუჩაში მოწოდებით „უარი უთხარი სერჟს“ და მათ, ვინც გაჭირვებით მიდის სამუშაო ადგილამდე, გადაკეტილ ქუჩებში, რათა შეასრულოს თავისი ვალი.
მივმართავ მათ, ვინც მთელი დღეების განმავლობაში თვალს ადევნებს პირდაპირ ეთერს და მათ, ვინც საზოგადოებრივ წესრიგს უზრუნველყოფს დღისა და ღამის განმავლობაში.
მივმართავ მათაც, ჯარისკაცებს, ოფიცრებს საზღვარზე. მივმართავ თანაპარტიელებს, პოლიტიკურ ოპონენტებს, უკანასკნელად მოგმართავთ, როგორც ქვეყნის ხელმძღვანელი.
ნიკოლ ფაშინიანი იყო მართალი. მე შევცდი. შექმნილი ვითარებიდან რამდენიმე გამოსავალია, თუმცა მე არც ერთზე არ წავალ. ეს მე არ შემეფერება. მე ვტოვებ ქვეყნის ხელმძღვანელის თანამდებობას, სომხეთის პრემიერ-მინისტრის პოსტს. ჩემი პრემიერობის წინააღმდეგი ქუჩის მოძრაობაა. მე თქვენ მოთხოვნას ვასრულებ“,-ნათქვმია სარგსიანის განცხადებაში.
სომხეთში სერჟ სარგსიანის გადადგომის მოთხოვნით ათ დღეზე მეტია, აქციები მიმდინარეობს. ოპოზიცია აქციებს 13 აპრილიდან მართავს.
სერჟ სარგსიანი პრემიერ-მინისტრად 17 აპრილს აირჩია სომხეთის პარლამენტმა და მასშტაბური პროტესტის გამო თანამდებობა არჩევიდან 6 დღეში დატოვა.